Не знаеме со какви други зборови би го опишале она што се случува на кошаркарските натпревари во Куманово, освен "ЛУДИЛО". 7.000 гледачи на секој натпревар. Навивање и кога се води и кога се губи тоа е сосема неважно. 7000 срца чукаат како едно во ритамот на сино белата боја. Оној кој го нема доживеано ова со зборови не можеме да му го опишеме колку и да се трудиме.

На завршувањето на регуларниот ток на првенството КК Куманово успеа да го освои шестото место, кое не води помеѓу првите шест екипи во лигата и борба за плеј оф. Во Скопје е победен Вардар. Нормално подршката од трибините и покрај работниот ден и поларната зима не изостана. Се навиваваше во текот на целиот натпревар без разлика дали водиме или губиме. На крајот бевме наградени со победа од нашите играчи и заеднички ја прославивме победата која дава потик и надеж дека во наредните натпревари против исклучително јаките противници нашиот тим ќе биде на ниво. Првото искушение не чека веќе во сабота на домашен терен. Сликите и видео клипот од натпреварот со Вардар можете да ги видите во нашата галерија и во видео делот на сајтот.

И покрај извонредно студеното време и незатоплена сала, не е ни потребно да се повтараме дека стандардно запад беше полн. Навивањето одлично. Се гледа дека имаме потенцијал, само со малку повеќе труд и некои ситни промени можеме уште многу подобро во сите сегменти.